Өвөлжилтийн хүндрэлийг даван туулахад дэмжлэг үзүүлэх Баянхонгор аймгийн Засаг дарга Д.Мөнхсайханы уриалгыг дэмжиж 1000 боодол өвсийг үндэсний үйлдвэрлэгч 'Траст Трейд', 'Эрдэнэ Хүнс' компаниуд малчдад олгохоор ирүүлжээ.

Сум дундын ойн анги, аймгийн аюулгүйн нөөцийн газарт Дорнод аймгаас бэлтгэсэн сайн чанарын нарийн ногоон өвсийг хүлээн авлаа.

Монгол улсын Засгийн газраас өвөлжилт хүндэрсэн аймгуудаас мал, мах бэлтгэлийг хангахаар шийдвэрлэсний дагуу 'Траст Трейд', 'Эрдэнэ Хүнс' компаниуд Баянхонгор аймгийн ЗДТГ, ХХААГ болон малчидтай хамтран амжилттай ажилласан юм. Хамтын ажиллагааныхаа хүрээнд Баянхонгор аймгийн малчдад дэмжлэг үзүүлж буй компаниудад талархал илэрхийлж, сайн үйлс дэлгэрэх болтугай.

Эх сурвалж: Нээлттэй засаг — Нэг Баянхонгор